ORDINARIUM MISSE
V./ Introibo ad altare dei.
R./ Ad deum qui letificat iuuentutem meam.
Ps. Iudica me deus totum.
deinde repetitur versus V./ Introibo ad altare dei.
R./ Ad deum qui letificat iuuentutem meam.
V./ Adiutorium nostrum in nomine domini.
R./ Qui fecit celum et terram.
Deinde facit confessionem et absolutionem ex hinc dicit uersus.
V./ Deus tu conversus uiuificabis nos.
R./ Et plebs tua letabitur in te.
V./ Ostende nobis Domine misericordiam tuam.
R./ Et salutare tuum da nobis.
V./ Domine exaudi orationem meam.
R./ Et clamor meus ad te ueniat.
V./ Dominus uobiscum.
R./ Et cum spiritu tuo.
(Oratio.)
AUfer a nobis quesumus domine cunctas iniquitates nostras. ut ad sancta sanctorum puris mereamur mentibus introire. Per christum dominum nostrum. R./ Amen.
Postea inclinatus dicit secreto hanc orationem.
(Oratio.)
ORamus te Domine per merita sanctorum tuorum quorum reliquie hic sunt. et omnium sanctorum ut indulgere digneris omnia pecata mea amen.
Qua completa ascendit ad altare. et deosculans illud accipiensque turribulum a diacono incensat altare. et redito turribulo diacono perlegit introitum cum ministris. deinde dicit quando dicendum est.
Gloria in excelsis deo. Et in terra pax hominibus bone uoluntatis Laudamus te. Benedicimus te. Adoramus te. Glorificamus te. Gratias agimus tibi propter magnam gloriam tuam. Domine deus rex celestis deus pater omnipotens. Domine fili unigenite iesu christe. Domine deus agnus dei filius patris. Qui tollis peccata mundi miserere nobis. Qui tollis peccata mundi suscipe deprecationem nostram. Qui sedes ad dexteram patris miserere nobis Quoniam tu solus sanctus. Tu solus dominus. Tu solus altissimus iesu christe. Cum sancto spiritu in gloria dei patris amen.
Quo finito antequam dicat. Dominus uobiscum Osculatur altare in medio.
in fine gradualis aut alleluia aut tractus inclinat se diaconus coram Altari. et dicit hanc orationem.
(Oratio.)
MUnda cor meum ac labia mea omnipotens deus. qui labia. ysaie prophete calculo mundasti ignito. ita me tua grata miseratione dignare mundare. ut sanctum euangelium tuum digne ualeam nuntiare. Per christum dominum notsrum amen.
Dicta oratione et accepto testu✝ inclinat se sacerdoti celebraturo. et petit benedictionem dicendo. Iube domne benedicere.
Tunc dicit sacerdos.
(Oratio.)
DOminus sit in corde meo. et in labiis tuis. ut digne et competenter annunties euangelium suum.
/Completo euangelio dicit sacerdos.
CRedo in unum deum. Patrem omnipotentem factorem celi et terre uisibilium omnium et inuisibilium. Et in unum dominum iesum christum filium dei unigenitum. Et ex patre natum ante omnia secula. Deum de deo lumen de lumine. deum uerum de deo uero. Genitum non factum comsubstantialem✝ patri per quem omnia facta sunt. Qui propter nos homines. et propter nostram salutem descendit de celis. Et incarnatus est de spiritu sancto ex maria uirgine et homo factus est. Crucifixus etiam pro nobis sub pontio pilato passus et sepultus est. Et resurrexit tertia die secundum scripturas. Et ascendit in celum sedet ad dexteram patris. Et iterum uenturus est com gloria iudicare uiuos et mortuos cuius regni non erit finis. Et in spiritum sanctum dominum et uiuificantem qui ex patre filioque procedit. Qui cum patre et filio simul adoratur et conglorificatur. qui locutus es[t] per Prophetas. Et unam sanctam catholicam et apostolicam ecclesiam Confiteor unum baptisma in remissionem peccatorum. Et expecto resurrectionem mortuorum. Et uitam uenturi seculi amen.Quando sacerdos offert hostiam super altare dicat hanc orationem.
(Oratio.)
SUscipe. sancte pater omnipotens et eterne deus hanc immaculatem hostiam quam. ego indignus famulus tuus offero tibi Deo meo uiuo et uero. pro in numerabilibus✝ peccatis et offensionibus et negligentiis meis. et pro omnibus circum astantibus. sed et pro omnibus fidelibus christianis uiuis atque defunctis. ut michi et illis proficiat ad salutem in uitam eternam amen.
Quando mittit aquam in calicem dicit orationem.
(Oratio.)
DEus qui humane substantie dignitatem mirabiliter condidisti et mirabilius reformasti. da nobis per huius aque et uini misterium. eius diuinitatis esse consortes qui humanitatis nostre fieri dignatus est particeps. iesus christus filius tuus dominus noster. Qui tecum uiuit et regnat in unitate cum spiritus sancti deus. Per omnia secula seculorum amen.
Quando offert calicem super altare dicit hanc orationem.
(Oratio.)
Offerimus tibi domine calicem salutaris. tuam deprecantes clementiam. ut in conspectu diuine maiestatis tue. pro nostra. et totius mundi salute cum odore suauitatis ascendat. amen.
Deinde dicit.
(Oratio.)
IN spiritu humilitatis et in animo contrito sucipiamur a te domine. et sic fiat sacrificium nostrum in conspectu tuo hodie. ut placeat tibi domine deus.
Sequitur oratio super hostiam et calicem cum signo crucis.
(Oratio.)
UEni sanctificator omnipotens eterne deus. et bene(+)dic hoc sacrificium tuo sancto nomini preparatum.
(Oratio.)
PEr intercessionem beati michaelis archangeli stantis a dextris altaris incensi: et omnium electorum suorum incensum istud dignetur/ dominus bene(+)dicere et in odorem suauitatis accipere. Per christum dominum nostrum. amen.
Cum incensat oblata dicit.
[Oratio.]
INcensum istud a te bene(+)dictum. ascendat ad te domine et descendat super nos misericordia tua.
Cum incensat altare dicit.
(Oratio.)
DIrigatur domine oratio mea sicut incensum in conspectu tuo eleuatio manuum mearum sacrificium vespertinum. Pone domine✝ custodiam ori meo: et ostium circumstantie labiis meis. ut non declinet cor meum in uerba malitie ad excusandas excusationes in peccatis.
Quando reddit turribulum diacono dicit.
(Oratio.)
ACcendat in nobis dominus ignem sui amoris et flamma[m] eterne caritatis. amen.
Quando Sacerdos lauat manus dicit.
Lauabo inter innocentes manus meas. usque in finem cum gloria patri.
Tunc inclinat se ante altare et dicit hanc orationem.
(Oratio.)
SUscipe sancta trinitas hanc oblationem quam tibi offerimus ob memoriam passionis resurrectionis et ascensionis iesu christi domini nostri. et in honore beate marie semper uirginis. et beati iohannis baptiste. et sanctorum apostolorum petri et pauli et istorum et omnium sanetorum✝. ut illis proficiat ad honorem. nobis autem ad salutem. et illi pro nobis intercedere dignentur in celis quorum memoriam facimus in terris. Per christum dominum nostrum. amen.
Erigens se deosculatur altare et uertens se ad populum dicat.
[Oratio.]
ORate pro me fratres. ut meum ac uestrum sacrificium acceptabile fiat apud deum omnipotentem.
Circonstantes uero respondent.
(Oratio.)
SUscipiat dominus sacrificium de manibus tuis ad laudem et gloriam nominis sui. ad utilitatem quoque nostram totiusque ecclesie sue sancte amen.
